Siglir tar il cuntegn

Header

cuntegn

Debut Fabrizio Cavegn ha dà ses prim gieu en la Super League

Fabrizio Cavegn ha dà sonda ses debut en la Super League, quai cun Son Gagl. En la partida cunter Sion è il Lumnezian vegnì en il gieu en la 69avla minuta. Il gieu ha Son Gagl bain pers cun 1:2 - en las bun 20 minutas sin il plaz, ha il giugader da 20 onns dentant purtà bler schlantsch a l'equipa.

Dapi plirs decennis è Fabrizio Cavegn l'emprim Rumantsch che ha puspè dà en la pli auta liga da ballape en Svizra. Erni Maissen e Paul Friberg èn stads ils ultims en ils onns 70 ed 80.

Or da l'archiv

Il december ha RTR purtretà il giuven sportist e discurrì cun el davart sia finamira da daventar profi.

video
Finamira profi – Fabrizio Cavegn ha fitgà pe a Son Gagl
Or da Telesguard dals 01.12.2021.
laschar ir. Durada: 4 minutas 15 Secundas.

E qua ina ivetta ord l'archiv dals dus ultims giugaders rumantschs en la pli auta liga da ballape svizra:

video
Erni Maissen e Paul Friberg – giugaders den la pli auta liga da ballape svizra
Or da Svizra rumantscha dals 11.10.1981.
laschar ir. Durada: 30 minutas 13 Secundas.

RTR novitads 21:00

Artitgels legids il pli savens