Siglir tar il cuntegn

Header

video
Frust enstagl bronz per Fanny Smith
Or da Beijing 2022 Clips dals 17.02.2022.
abspielen. Laufzeit 2 minutas 42 Sekunden.
cuntegn

Decisiun tar skicross Recurs svizzer cunter il resultat da la cursa olimpica

Swiss-Ski sa defenda cunter la disqualificaziun da Fanny Smith en il final dal skicross. Quai ha ditg il schef da delegaziun da Swiss Olympic Ralph Stöckli tar sia conferenza da medias finala.

Tar la cumissiun disciplinara da la Federaziun internaziunala da skis FIS ha Swiss-Ski plazzà in recurs cunter il resultat da la cursa olimpica, tenor Ralph Stöckli. Ina resposta uffiziala da la FIS na saja anc betg arrivada.

Fanny Smith era vegnida sco terza en l’arrivada dal final olimpic da skicross. Silsuenter era la skiunza da 29 onns dentant vegnida rangada enavos sin plaz 4, pervi d’in pretendì contact intenziunà cun la Tudestga Daniela Maier. Quella aveva profità e gudagnà la medaglia da bronz. Curt suenter la cursa aveva il scheftrenader dals skicrossers svizzers manegià, ch’in recurs haja paucas schanzas.

RTR novitads 14:00

Artitgels legids il pli savens

Scrollar a sanestra Scrollar a dretga