Siglir tar il cuntegn

Header

video
Quai è stà tenor la giuria cunter il reglament
Or da Beijing 2022 Clips dals 17.02.2022.
laschar ir. Durada: 49 Secundas.
cuntegn

Skicross dunnas Fanny Smith survegn tuttina bronz

Il recurs da Swiss Ski ha gì success. Fanny Smith survegn cun retard la medaglia da bronz dals gieus olimpics a Peking. La decisiun ch'aveva spustà la Vadaisa en il final da plazza 3 sin plazza 4, è vegnida annullada. Sch'i vegn anc a dar ina protesta encunter questa decisiun da la cumissiun da recurs da la FIS, ha Swiss Ski betg savì.

Frust empè da bronz

La Svizra Fanny Smith aveva cuntanschì il terz plaz en il final dal skicross olimpic a Peking. Il plaschair è però stà plitost curt. Suenter avair examinà la cursa anc ina giada, decida la giuria da disqualifitgar Smith. Ina decisiun ch'ha schizunt fatg scurlattar il chau tar las atletas. La Tudestga Daniela Maier ha uschia pudì profitar e surpigliar la medaglia da bronz. Las reacziuns eran dentant fitg cleras – a favur da Fanny Smith.

Il podest:

  1. Sandra Näslund (SWE)
  2. Marielle Thompson (CAN)
  3. Daniela Maier (GER)

La giuria aveva taxà sco foul in'acziun da Fanny Smith curt avant l'arrivada. Lura haja ella fatg storta e saja uschia stada enta pe a la Tudestga Daniela Maier. Tenor la giuria saja quai stà intenziunadamain, uschia ch'i han decidì da metter Fanny Smith sin plaz quatter. Tenor il scheftrenader skicross da la Svizra Ralph Pfäffli n'è questa decisiun però insumma betg stada da chapir.

audio
Peking2022: Skicross: Fanny Smith vegn disqualifitgada
ord Actualitad dals 17.02.2022.
laschar ir. Durada: 2 minutas 24 Secundas.

Talina Gantenbein manchenta diplom olimpic

video
Talina Gantenbein a Peking
Or da Telesguard dals 17.02.2022.
laschar ir. Durada: 53 Secundas.

La Grischuna Talina Gantenbein è partida bain en las cursas, ha però stuì ceder en il quartfinal. Ella è vegnida a l'arrivada sco terza ed uschina manchentà la qualificaziun per il mezfinal. Cun plaz 9 manchenta la giuvna da 23 onns oriunda da Scuol uschia er in diplom olimpic, sco gia avant quatter onns a Pyeongchang. Per la terza svizra, Saskja Lack, è la cursa gia stada a fin suenter ils otgavel-finals.

audio
Peking2022: Skicross: Intervista cun Talina Gantenbein
ord Actualitad dals 17.02.2022.
laschar ir. Durada: 1 minuta 27 Secundas.

RTR novitads 09:00

Artitgels legids il pli savens

Scrollar a sanestra Scrollar a dretga