La Svizra turna cun duas medaglias dal campiunadi europeic da trair rudellas/tschoccas a Waldkraiburg en Germania. L'emprim ha la naziunala dals umens gudagnà bronz d'equipa en la concurrenza da precisiun. Ina medaglia ch'ha dà schlontsch. Era l'equipa mixed cun la Sursilvana Marta Bundi gudogna la medaglia da bronz. Er en la concurrenza da precisiun. Aur va a l'equipa da l'Austria.
Nagin final cun las dunnas
A l'equipa naziunala da las dunnas na tanschi betg per in'ulteriura medaglia ad ina concurrenza gronda. Suenter aur mundial avant dus onns en la categoria B ed argient europeic avant tschintg onns ston Marta Bundi e sias cumpognas sa cuntentar questa giada cun il 5avel plaz. Ellas manchentan be per dus puncts il final da las meglieras quatter equipas che han cumbattì per las medaglias. Campiunessas europeicas da trair rudellas daventan las Tudestgas.
En il singul ha Marta Bundi da Zignau gì la finamira minimala da cuntanscher il final. Quai è reussì. Cun in total da 468 puncts vegn ella 12avla.
Or da l'archiv: