Siglir tar il cuntegn

Header

video
Ils highlights dal mezfinal Italia – Spagna
Or da Sport-Clip dals 06.07.2021.
laschar ir
cuntegn

Emprim mezfinal L'Italia è l'emprim finalist

Suenter in vair crimi gudogna l'Italia l'emprim mezfinal cunter la Spagna en la lutga da penaltis. Il penalti decisiv ha Jorginho marcà per ils Talians.

Durant las emprimas 90 minutas ha l'equipa spagnola gì in lev surpli, spezialmain amez. In zic ord il nagut ha Federico Chiesa sajettà en la 60avla minuta il 1:0 per l'Italia. Quai cun in bel sajet en il chantun lung. Ventg minutas pli tard ha la Spagna dentant pudì reagir. Alvaro Morata ha suenter ina fitg bella cumbinaziun stuschà il bal en la rait tar il 1:1.

En la prolungaziun èn occasiuns da gol stadas raras. Omaduas equipas han mess là il focus sin la defensiun.

Tut en tut ha la Spagna gì dapli dal gieu ed er dapli occasiuns da gol durant las 120 minutas. L'Italia ha dentant persvas sco equipa ed ha uschia er merità la qualificaziun per il final.

Italia cun dapli gnerva

En la lutga da penaltis è Locatelli stà il sulet Talian che n'ha betg fatg il gol. Tar la Spagna n'han Dani Olmo sco er Alvaro Morata betg dumagnà il bal en la rait. Il penalti decisiv ha Jorginho marcà per l'Italia.

En il final da proxima dumengia ha l'Italia la schanza da vegnir per la segunda giada campiun d'europa, suenter il 1968. L'adversari è il victur dal gieu tranter l'Engalterra ed il Danemarc. Quest gieu ha lieu mesemna saira a las 21:00.

RTR novitads 06:00

Artitgels legids il pli savens

Scrollar a sanestra Scrollar a dretga