Siglir tar il cuntegn

Header

cuntegn

En il davos super-G: Mikaela Shiffrin gudogna il classament general

L'Americana Mikaela Shiffrin gudogna il classament general da la cuppa mundiala da las dunnas. Quella decisiun è crudada oz en il davos super-G da la stagiun a Courchevel. Mikaela Shiffrin è vegnida segunda. Ella po cun quai schlargiar ses avantatg en il classament general uschè ferm, che sia concurrenta directa, Petra Vlhova, na po betg pli passar. Vlhova è oz vegnida 17avla.

Il podest dal davos super-G da la stagiun.
Legenda: Il podest dal davos super-G da la stagiun: (da san.) Mikaela Shiffrin (USA), Ragnhild Mowinckel (NOR) e Michelle Gisin (SUI). Keystone

Gudagnà il davos super-G da la stagiun ha la Norvegiaisa Ragnhild Mowinckel. Per ella èsi l'emprima victoria en la cuppa mundiala. Sin plaz dus è Mikaela Shiffrin (+0,05 secundas), sin il terz plaz è la Svizra Michelle Gisin (+0,13).

video
Gisin: Jau hai giavischà ferm, da pudair ir puspè a la partenza»
Or da Sport-Clip dals 17.03.2022.
laschar ir. Durada: 3 minutas.

Las prestaziuns da las Svizras

  • 3. Michelle Gisin, +0,13 secundas
  • 6. Corinne Suter, +0,57
  • 9. Jasmine Flury, +0,92
  • 11. Joana Hählen, +0,94
  • OUT Lara Gut-Behrami

Las duas davosas cursas da la stagiun han lieu questa fin d'emna: In slalom la sonda ed in slalom gigant la dumengia.

Culla pitschna va a Federica Brignone

La decisiun per la culla pitschna en la disciplina super-G è schon crudada avant la cursa. La Taliana Federica Brignone aveva avant la cursa 132 puncts avantatg sin sia cunpatriota Elena Curtoni.

Federica Brignone
Legenda: La Taliana Federica Brignone ha dominà la disciplina super-G. Keystone

RTR novitads 11:00

Artitgels legids il pli savens

Scrollar a sanestra Scrollar a dretga