Sco il HCD communitgescha, manchian en la defensiun anc adina giugaders da tschep sco Michael Fora u Noah Schneeberger. Perquai surpiglia Tavau il contract da Guebey enfin la fin da la stagiun.
Il Franzos cun licenza svizra è stà durant il temp da junior tar Genevra, ed ha là era gì sias emprimas partidas da la liga naziunala. Sin la stagiun 2021/22 ha Guebey lura midà tar ils ZSC Lions. En tut ha Enzo Guebey dà fin uss 105 partidas da la National League, e 137 da la Swiss League. Per la naziunala franzosa ha el absolvì 28 partidas internaziunalas e dus campiunadis mundials.
