Siglir tar il cuntegn

Header

audio
Facit da la qualificaziun dal HCD
Or da Actualitad dals 05.03.2024. Maletg: Keystone
laschar ir. Durada: 5 minutas 14 Secundas.
cuntegn

National League Il HCD frunta sin Losanna en ils playoffs

Il club da hockey da Tavau n'ha betg laschà grondas schanzas ad Ajoie ch'è a la fin da la tabella e gudagnà sia davosa partida avant ils playoffs cun 4:1. Il HCD terminescha la runda da qualificaziun sin plazza sis e frunta uschia en ils quartfinals dals playoffs sin Losanna, il terz da la tabella.

In ulteriur duel da playoff è entant era gia decis: Berna frunta sin Zug.

Tschellas partidas da playoff dependan dals resultads ch'i dat en ils gieus da play-in. En l'emprima runda da play-in frunta Ambri sin Lugano e Genevra gioga cunter Bienna. En tut datti duas rundas. Las partidas da play-in han lieu tranter ils 7 da mars ed ils 13 da mars. Ils playoffs cumenzan alura ils 17 da mars.

Tavau e Berna van direct en ils playoffs

En la segund davosa runda da la National League van il HCD ed il SCB per il ticket direct – per ils playoff quartfinals. Tavau ha gudagnà cunter il victur da la qualificaziun, ils ZSC Lions cun 4:2. E Berna ha fatg in 4:1 cunter Losanna.

Per Tavau ha la partida a chasa cunter ils Lions cumenzà mal. Suenter 6 minutas eran ils Grischuns gia cun dus gols en retard. Il segund terz ha lura il HCD sajettà ils gols – duas giadas tras Dennis Rasmussen ed ina giada tras Dominik Egli. Duas minutas avant la fin da la partida han ils Lions lura prendì il goli giu dal glatsch, e Joakim Nordström ha nizzegià quai cun far il 4:2 final en favur da Tavau.

Tabella hockey liga naziunala

Avrir la box Serrar la box

Link tar Federaziun da hockey

RTR novitads 23:00

Artitgels legids il pli savens