Siglir tar il cuntegn

Header

cuntegn

Duel tranter amis «Sut 2 uras e mez per il maraton? Anc adina pussaivel!»

Marcus Petendi ed Elias Tsoutsaios – omadus novizs sin ils skis da passlung – sa mesiran ils 10 da mars al Maraton da skis engiadinais. Sin els na spetga betg be ina da las pli grondas provas sportivas en il Grischun cunter 14'000 curraduras e curradurs, mabain er in dir cumbat tranter ils dus amis.

video
Trics da Valeria Cavelti
Or da Giuventetgna dals 01.03.2024.
laschar ir. Durada: 1 minuta 55 Secundas.

I resta anc ina bun'emna enfin il grond di dal maraton da skis engiadinais. Elias dovra quel temp per anc ina giada glimar vi da sia tecnica. Tge che la «power passlunghista» Valeria Cavelti manegia da quella è tant surpraisa sco motivaziun.

Savida da valur dal G.O.A.T. (la chaura)

video
Ulteriurs tips da Dario Cologna
Or da Sport dals 23.02.2024.
laschar ir. Durada: 5 minutas 54 Secundas.

Nundumbraivels kilometers han Marcus ed Elias gia fatg sin la loipa, dentant anc betg avunda per s'avischinar a la liga da l'elita. Per pudair far in u l'auter pass pli datiers a quella finamira (segir pauc realistic – rem. d. red.) han ils hobbypasslunghists discurrì cun il profi Dario Cologna. Buns tips hai en mintga cas dà – dentant er intginas infurmaziuns che chaschunan per dischillusiun.

Char Marcus, char Elias – co statti cun la motivaziun?

Tgi n'enconuscha betg la difficultad da tegnair la motivaziun sin livel aut durant in pli grond project. Tge ch'ha cumenzà plain euforia è sa sviluppà tar in viadi mental cun intgins «ups and downs». Co ch'i stat cun la motivaziun da noss hobby-passlunghists? Para sco sin ina pista da bots.

Tgi è pli spert? Nus avain fatg la runda en biro

Anc trais emnas enfin il grond di dal maraton da skis engiadinais. Temp per far la runda en biro e dumandar a collavuraturas e collavuraturs da RTR tgi che fa la cursa tranter Marcus ed Elias.

video
Tgi è pli spert al maraton da skis?
Or da Sport dals 18.02.2024.
Maletg: RTR laschar ir. Durada: 2 minutas 28 Secundas.

Il pli plaun perda duas giadas

Ultra dal plaschair da gudagnar è er la tema da la terrada ina buna metoda da motivaziun. Tuts dus da noss atlets han perquai pronunzià in chasti per lur contrahent che quel sto acceptar en cas d'ina terrada.

video
Tge che po spetgar suenter la schleppa
Or da Sport dals 12.02.2024.
laschar ir. Durada: 1 minuta 38 Secundas.

Chasti per Marcus:

Sche Marcus arriva suenter Elias en l'arrivada sto el sa participar ils 21 d'avrigl al «Mezmaraton da Turitg». 21km a pe.

Chasti per Elias:

Sch'Elias arriva suenter Marcus en l'arrivada sto el sa schar tetovar ina caricatura da Marcus sco passlunghist victorius. Marcus tscherna il motiv. Elias il lieu.

Marcus ed Elias perdan plaunet la motivaziun

Suenter intginas emnas adina puspè sin la loipa stagnescha il progress da noss passlunghists preferids Marcus ed Elias. Per sa sviluppar sportivamain vinavant èn els dus sa decidids da far diever d'agid professiunal. Ina damaun fitg fraida a Segl han els danovamain montà ils skis e gì l'onur da pudair emprender da Curdin Perl.

video
Ils laics emprendan dal profi -– Engadin Skimarathon 2024
Or da Sport dals 07.02.2024.
laschar ir. Durada: 3 minutas 47 Secundas.

Be anc tschintg emnas

Tschintg emnas restan anc enfin il grond di dal maraton da skis. Las emprimas experientschas sin loipa èn vegnidas fatgas, ils emprims gels traguttids ed uss? Datti in svilup? «Gea, dentant...» è la resposta. L'euforia da l'entschatta è passada, ussa vali da restar londervi.

video
Marcus perda la motivaziun - Engadin Skimarathon 2024
Or da Sport dals 05.02.2024.
laschar ir. Durada: 2 minutas 13 Secundas.

Sco emprim vali da star sin quel ski

Suenter che Elias e Marcus èn stads per il material hai natiralmain er gì num da star sin quels skis satigls. E tge furma fiss pli adattada e pli autentica per quai ch'in vlog. In vlog che mussa, ch'i dat anc ina u tschella flaivlezza.

video
Emprimas experientschas sin la loipa - Engadin Skimarathon 2024
Or da Sport dals 29.01.2024.
laschar ir. Durada: 2 minutas 27 Secundas.

Carbon E motivaziun

Per insumma pudair ir cun skis da passlung dovran Elias e Marcus er il material adattà. Per quel èn els stads en ina butia da sport – ed els n'han probabel betg fatg simpel al persunal da vendita. Ma la fin finala èn els equipads e vinavant motivads sco anc mai avant per questa challenge.

video
Elias e Marcus van per ils skis - Engadin Skimarathon 2024
Or da Sport dals 26.01.2024.
laschar ir. Durada: 1 minuta 48 Secundas.

Fit è insatge auter

Per savair tge e co trenar sin il Maraton da skis engiadinais han Elias e Marcus survegnì sustegn professiunal. Tratgas, punts, flexiuns e kettlebell swings ... quai be intgins elements dal trenament inizial ch'ils dus laics dal passlung han fatg il december tar la trenadra persunala Ornella Poltera. Natiralmain hai er dà tips da nutriment e recumandaziuns en vista dal maraton.

video
Elias e Marcus fan ina diagnostica da prestaziun - Engadin Skimarathon 2024
Or da Sport dals 18.01.2024.
laschar ir. Durada: 3 minutas 15 Secundas.

Ideas sturnas

I va per dumagnar l'entir traject da Segl fin a S-chanf, tut ils 42 kilometers. Tgi ch'è pli spert en l'arrivada decida in chasti per il perdent.

audio
Maraton engiadinais: road to S-chanf – per tge vai?
ord Actualitad dals 17.01.2024. Maletg: RTR
laschar ir. Durada: 4 minutas 34 Secundas.

Quai èn ils duellants

Marcus Petendi

Avrir la box Serrar la box
Legenda: Redactur radio/social RTR

grondezza/pais
176cm – 65kg

marca da skis
Atomic

prognosa da temp/gels da nutriment
2:58h – 5 gels

parola da motivaziun
«Passlung nun es ün sport – passlung es ün lifestyle»

snack preferì
té da schentsch (ingwer)

idol
Muhammad Ali

finamira secundara
dapli respect dad Elias

Elias Tsoutsaios

Avrir la box Serrar la box
Legenda: RTR

grondezza/pais
182cm – 82kg

marca da skis
Fischer (tut tschai è a mai memia plaun)

prognosa da temp/gels da nutriment
sut 2:30h – 4 gels

parola da motivaziun
«Schi nun arda la chomma, la schleppa chi clomma»

snack preferì
ovs cotgs

idol
Dario Cologna

finamira secundara
smetter da fimar

video
Dus dilettants per l'emprima giada al maraton da skis - Engadin Skimarathon 2024
Or da Sport dals 17.01.2024.
laschar ir. Durada: 2 minutas 17 Secundas.

RTR accumpogna ils dus hobby-passlunghists tar lur aventura ambiziusa. I spetgan tranter auter ina diagnostica sportiva, trenaments professiunals e dus mais cun barbagiat. Elias e Marcus dattan qua regularmain updates da lur fitness, da lur situaziun mentala e da la loipa.

RTR actualitad 12:00

Artitgels legids il pli savens