Il FC Basilea ha chattà in nov scheftrenader. Timo Schultz ha suttascrit tar il FCB in contract da dus onns e cumenza questa stad. Il Tudestg da 45 onns è stà fin il december 2022 trenader tar l'equipa tudestga FC St. Pauli da la segunda liga.
Schultz succeda uschia a Heiko Vogel. Lez aveva surpiglià ad interim la squadra suenter che Alex Frei era vegnì relaschà il favrer e maina quella anc fin la fin da la stagiun.
