Fabian Staudenmann ha gudagnà la runda finala da la Festa da lutga a Zollikofen cunter il retg da la lutga Kilian Wenger. Il confederà da 21 onns parta la victoria cun Matthias Aeschbacher. Per Fabian Staudenmann èsi l'emprima victoria ad ina festa da cranz. Matthias Aeschbacher ha ussa 11 victorias sin ses conto.
Betg da la partida a Zollikofen èn stads il retg da lutga Christian Stucki pervi da problems cun il dies. Er Remo Käser n’è betg stà da la partida cun quai ch’el è vegnì malsaun a curta vista.
Festa da lutga en chantun Sviz
Tar la festa da lutga chantunala da Sviz ha Christian Schuler gudagnà suveran. El ha gudagnà tut las sis lutgas. Per el èsi il 100avel cranz.
