Il lutgader grischun Armon Orlik ha gudagnà per la quarta giada la festa da lutga glarunaisa-grischuna a Netstal. En la lutga finala ha Orlik laschà nagina schanza a Werner Schlegel, il victur da la lutga chantunala songagliaisa. Gia suenter 7 secundas ha Orlik gì Schlegel sin il dies. La stagiun passada aveva Orlik terminà senza ina solia victoria.
Il lutgader da Maiavilla è dasper Elias Kundert stà il sulet ch'ha gudagnà tut las trais lutgas la damaun. Armon Orlik po cunquai festivar sia 18avla victoria ad ina festa da cranz.
Dumengia, ils 12 da zercladur, spetga sin ils lutgaders grischuns il proxim spitachel en il resgim. Ad Untervaz è la festa grischuna-glarunaisa. Ina ulteriura emprova en vista a lutga federala da l'avust a Pratteln.
