La decisiun è crudada en il segund terz. Cun blers chastis ha Trinec fatg grev la vita a sasez. Il Team Canada ha ditg grazia e gist sajettà trais gols en il powerplay.
En l'ultim terz è anc gartegià als Americans dal nord il 4:0 ed uschia la decisiun definitiva. En las ultimas ha l'equipa da Trinec anc empruvà tut dad almain sajettar in gol, dentant senza success.
Cun 16 titels è il Team Canada da nov campiun da record da la Cuppa Spengler.
Avant il gieu
Per la 16avla giada è il Team Canada stà en il final da la Cuppa Spengler. Per la Tschechia è Trinec per l'emprima giada dapi 15 onns da la partida. Cler favurit per gudagnar la Cuppa Spengler èn ils Canadais. Lezs han persvadì tochen enfin qua dad A-Z ed avevan festivà trais victorias da gala. Il Team Canada ha uschia la schanza da gudagnar ses 16avel titel. Cunquai fissan els il victur da record.
RTR Cuppa Spengler 12:00+