Siglir tar il cuntegn

Header

video
Ragettli: «I dat aunc chaussas ch'jau vi optimar»
Or da Beijing 2022 Clips dals 15.02.2022.
laschar ir. Durada: 1 minuta 23 Secundas.
cuntegn

Freeski Ragettli, Gubser e Bösch en il final dal slopestyle

Il freeskier da Flem Andri Ragettli cuntanscha il final dal slopestyle a Beijing sco meglier da la qualificaziun. En la segunda runda ha'l fatg il meglier resultat cun 85,06 puncts. Cun quai resultat e sco campiun mundial actual va el sco grond favurit en il final.

Era qualifitgads per il final èn l'ulteriur Grischun Kim Gubser e Fabian Bösch. Sche Gubser parta propi al final la mesemna n'è anc betg cler. El è sa blessà durant l'emprim percurs da la qualificaziun vid ina chomma. Betg en il final è il quart Svizzer, Colin Willi, ch'è vegni 19avel.

Gist suenter Andri Ragettli èn sa posiziunads en la qualificaziun per il final il campiun olimpic dal Big Air Birk Ruud da la Norvegia (83,96) e l'American Nicholas Goepper (82,51).

RTR novitdas 09:00

Artitgels legids il pli savens

Scrollar a sanestra Scrollar a dretga