Cun Max Verstappen sisum il podest e Sergio Perez sco segund, datti ina victoria dubla per Red Bull ad Imola. Verstappen ha gudagnà a moda suverana cun in avantatg da 16 secundas sin Perez. Sco terz è sa rangà Lando Norris en Mclaren-Mercedes.
Il leader en il classament general, il pilot da Ferrari Charles Leclerc – vegn suenter in sbagl curt avant la fin 6avel. Valtteri Bottas en l'Alfa Romeo vegn 5avel, ses collega d’equipa Zhou Guanyu vegn 15avel.
Il podest ad Imola:
- Max Verstappen (NED, Red Bull)
- Sergio Perez (MEX, Red Bull)
- Lando Norris (GBR, McLaren)
En il classament general resta Charles Leclerc vinavant a la testa cun 86 puncts. Max Verstappen ha da nov 59 puncts e fa il sigl sin posiziun dus.
