Siglir tar il cuntegn

Header

cuntegn

Gieu Austria – Mazedonia Inquisiziun encunter Austriac Arnautovic

Legenda: Arnautovic sa legra dal terz gol en il gieu cunter la Mazenodia. Keystone

L'Uefa ha instradà ina inquisiziun cunter il giugader da ballape da la naziunala austriaca Marko Arnautovic. La federaziun da la Macedonia dal nord aveva pretendì da l'Uefa che quella puneschia Arnautovic pervi da ses cumportament suenter avair sajettà il gol al 3:1 en il gieu da dumengia passada a Bukarest.

L'attatgader austriac Arnautovic duai avair offais il giugader da la Mazedonia dal nord, Ezigjan Alioski e duvrà expressiuns rassisticas. Tenor rapports da medias da la Mazedonia haja Arnautovic dentant sa perstgisà gist suenter il gieu tar Alioski.

Arnautovic ha gia renvià la critica davart ses plaschair emoziunal suenter in gol. El na saja nagin rassist e na vegnia er mai ad esser in. El ha discurrì d'in cumbat en pleds emoziunal dad omaduas varts. Politica u rassissem n'hajan dentant betg giugà ina rolla.

RTR novitads 16:00

Artitgels legids il pli savens

Scrollar a sanestra Scrollar a dretga