Podest
- aur per la Tudestga Laura Dahlmeier
- argient va a la Slovaca Anastasiya Kuzmina
- bronz gudogna Anaïs Bescond da la Frantscha
Meglra Svizra en la cursa da 10 kilometers persecuziun daventa Lena Häcki da Engelberg. Bain fa ella trais sbagls cun sajettar, cun ina ferma prestaziun en la loipa vegn ella anc sin in plaz da diplom. Irene Cadurisch, ch'era avant la terza giada sajettar anc sin posiziun 3, ha lura dentant pers cun sajettar trais giadas dasperas, e vegn la finala 16avla. Elisa Gasparin arriva sin plaz 35 e sia sora Selina daventa 39avla, ellas han fatg omaduas tschintg sbagls da sajettar.
Dahlmeier suverana
Cun var 30 secundas avantatg gudogna la Tudestga Laura Dahlmeier la persecuziun sur 10 kilometers. En il spurt per argient batta la Slovaca Anastasiya Kuzmina per pauc la Franzosa Anaïs Bescond.
Laura Dahlmeier è l'emprima biatleta insumma, che gudogna tar gieus olimpics tant la cursa dal sprint sco era la cursa da persecuziun.
RR novitads 12:00
