Siglir tar il cuntegn

Header

cuntegn

Pyeongchang 2018 Sina Candrian en final dal Big Air

La snowboardista da Flem cuntanscha sco suletta Svizra il final dal Big Air.

La Grischuna Sina Candrian è sa qualifitgada cun 86,00 puncts sco otgavla per il final da l'occurrenza ch'è il venderdi. Las ulteriuras Svizras han dentant manchentà ils top 12: Carla Somaini è 15avla, Elena Könz 18avla ed Isabel Derungs 22avla.

La favurita vegn da l'Austria

Dominà la qualificaziun ha l'Austriaca Anna Gasser cun 98,00 puncts. Ella vala sco gronda favurita per la medaglia dad aur en il Big Air. Terminà sco segunda la qualificaziun ha la Giapunaisa Yuka Fujimori cun 94,25 puncts. Terza è sia cumpatriota Reira Iwabuchi cun 92,75 puncts.

Il Big Air da las dunnas è venderdi.

RR novitads 06:00

Artitgels legids il pli savens