Siglir tar il cuntegn

Header

cuntegn

Gimnastica artistica 15avel plaz per Giulia Steingruber

Sco gia en la qualificaziun ha Giulia Steingruber era mussà en il final ina prestaziun solida senza crudar u cupitgar. Tuttina ha ella fatg vi da mintga utensil in u l'auter pitschen sbagl. Uschia ha ella bunamain cuntanschi il total da puncts sco la dumengia passada. Quai cun 53,366 puncts. La medaglia d'aur ha gudagnà l'Americanra Sunisa Lee cun be in pitschen avantatg avant la Brasiliana Rebecca Andrade

Betg cuntaschì la finamira

Suenter ils plazs 14 als gieus olimpics a Rio e 10 a Londra n'ha l'atleta da la Svizra orientala cun il 15avel plaz betg cuntaschì las atgnas finamiras per Tokio. La preparaziun per ils quest gieus olimpics n'è però er betg stada ideala. Il stgarp d'ina cella musculara la fin d'avrigl ha sfurdà Steingruber da trenar a moda reducida fin curt avant ils gieus a Tokio. I n'è però anc betg dal tut cler sch'ils gieus en cunquai a fin per ella u betg. Per il final en il sigl da dumengia è Steingruber numandamain la prima reservista.

RTR actualitad 17:00

Artitgels legids il pli savens