Siglir tar il cuntegn

Header

cuntegn

HCD-Kloten 1:4 HCD perda avant ils playoffs cunter Kloten 1:4

En l’ultima partida da qualificaziun vuleva il Club da hockey da Tavau ir per in bun sentiment avant ch'ils playoffs cumenzan. Tavau ha dentant pers cun 1:4 cunter Kloten e sto uss ir en il trenament per quest bun sentiment.

Davent da l’entschatta ha Kloten dà en il tact a Tavau. L’equipa turitgaisa che ha cumbattì per ina plazza en ils pre-playoffs è ida gia suenter trais minutas e mez en avantatg. Enstagl ch'il HCD avess pudì reagir sin quest avantatg ha Kloten fatg gist anc in gol. Ina reacziun e gartegiada al Club da hockey da Tavau pir lura. Yannick Frehner ha fatg quest gol. Quai è dentant sta l’unic gol dal HCD. Ils ulteriurs gols ha anc ina giada fatg Kloten.

Peda 10 dis per sa preparar sin ils playoffs

Il Club da hockey da Tavau dat en l’emprima runda dals playoffs encunter ils ZSC Lions. La seria cumenza a Turitg perquai ch'il ‘Zett’ ha l’avantatg da chasa. Las premissas per questa seria n'èn insumma betg bunas per il Club da hockey da Tavau. Tut las quatter partidas ch'il HCD ha dà durant questa stagiun encunter ils ZSC Lions ha il HCD pers. En l’emprima runda da playoff ha Tavau pia la schanza da prender revantscha per questa seria negativa.

Cumià ed onuraziun

Emoziunal è quai stà avant che la partida ha cumenzà. Ils fans dal Club da hockey da Tavau e l’equipa han undrà gist trais giugaders che han terminà lur carrieras durant las ultimas emnas, u gia pli ditg tar il Club da hockey da Tavau. Cun ina bella acziun han ils fans prendì cumià da Dino Wieser che ha terminà sia carriera tar il HCD gia avant in onn, alura er da Magnus Nygren che turna en sia patria e da Lukas Stoop. Er el ha terminà l'onn passà sia carriera activa.

Ils resultats da las ulteriuras partidas

  • SC Berna – ZSC Lions 4:1
  • Friburg – SCL Tigers 6:0
  • Genevra – Ajoje 3:2
  • Rapperswil-Jona Lakers – Ambri-Piotta 7:4
  • Losanna – Zug 0:5
  • Lugano – Bienna 5:6 suenter sajettar penaltis

Tabella hockey liga naziunala

Avrir la box Serrar la box

Link tar Federaziun da hockey

RTR novitads 20:00

Artitgels legids il pli savens