Sin visita tar il rival direct per plazza 4, ils ZSC Lions – turna il Club da hockey da Tavau senza puncts si da la Bassa. Ils Grischuns perdan la partida cun 1:4 e restan sin plazza 5 – quai vul dir senza il dretg da giugar l'emprima partida dals quartfinals playoff a chasa.
Il HCD è vegnì en retard curt avant l'emprima pausa. En la 34avla minuta han ils Lions lura pli u main pudì decider la partida – cun sajettar dus gols aifer ina minuta, al 0:3. Enzo Corvi ha sulet anc pudì scursanir per Tavau al 1:3, en la 44avla minuta. Era da prender il goli Sandro Aeschlimann or dal gieu curt avant la fin n'ha purtà nagut. Anzi, als Lions èsi anc gartegià da sajettar il quart gol. Uschia resta la statistica in pau horribla – dapi il 2019 ha il HCD mo gudagnà ina partida cunter il ZSC Lions.
Las ulteriuras partidas:
- Zug – Genevra 6:1
- SCL Tigers – Berna 1:3
- Bienna – Losanna 8:1
- Ambri – Lugano 2:4
- Ajoie – Friburg 0:4
- Kloten – Lakers 3:2 suenter sajettar penaltis
