Suenter duas victorias en seria n’ha il HCD venderdi saira gì nagina schanza ordaifer cunter Zug e pers gist cun 2:7. Il campiun svizzer manava gia suenter gnanc ina mes’ura cun 4:0. En l’emprim terz han Marco Müller e Fabrice Herzog mintgamai nizzegià in powerplay. En il segund terz han Luca de Nisco e Dario Allenspach augmentà sin 4:0 per Zug. L’emprim gol da la partida per il HCD ha fatg Yannick Frehner en la 37avla minuta. En l’ultim terz ha il campiun actual controllà la partida senza problems e sajettà trais ulteriurs gols. Il segund ed ultim gol per Tavau ha fatg Stransky en la 48avla minuta.
Plaz da playoff en privel
Per Tavau crescha uschia il squitsch en il cumbat per in plaz da playoff direct. Servette e Losanna èn sin ils chaltgogns als Grischuns. Actualmain sa chatta il HCD anc adina sin il sisavel plaz da la tabella. Nov leader è Zug.
Las ulteriuras partidas
- Ajoe – Genevra 4:3
- Bienna – Losanna 2:3