Siglir tar il cuntegn

Header

cuntegn

Hockey regiunal Cuira turna cun 1 punct da Basilea

En la MySports League ha il club da hockey da Cuira pers ordaifer cunter Basilea – cun 1:2 suenter sajettar penaltis. Duas giadas è Cuira stà en avantatg cunter l'emprim da la tabella. Basilea ha dentant pudì egualisar al 2:2 suenter var 50 minutas, ed igl è restà tar quest resultat en il temp regular.

La prolungaziun necessaria è lura restada senza gols, uschia ch'il sajettar penaltis ha stuì decider. Quai è gartegià a Basilea – che gudogna la finala cun 3:2 cunter il club da la chapitala grischuna.

Cuira è cunquai vinavant sin plaz 9, gist sut il stritg – cun 27 puncts or da 22 partidas. Basilea maina uss cun 7 puncts avantatg sin Huttwil. Mesemna saira suondan las ulteriuras partidas da questa runda, per il segund club grischun Arosa vai lura ordaifer cunter Dübendorf.

RTR novitads 23:00

Artitgels legids il pli savens