En l'emprima liga ha il HC Partenz-Signuradi pers il gieu a chasa 1:7 cunter l'EHC Frauenfeld e resta sin plaz 11 da la tabella. Il sulet gol per ils Grischuns ha Valentino Cavelti fatg en il segund terz.
Resultats 1. liga
En segunda liga ha il club da hockey San Murezzan spetgà sin il davos terz cun far gols. Lura han ils Engiadinais dentant pudì far quatter gols e l'adversari Küssnacht n'ha betg pli pudì egualisar, uschia va la partida a San Murezzan a fin cun in 4:2. Els sa chattan sin plazza 4 da la tabella.
Resultats 2. liga
En la My Sports League l'EHC Cuira gudagnà ordaifer cunter Bülach cun 2:4. Ils dus gols dal segund terz ha Cuira pudì dublegiar tras Nicolas Hasler.
L'EHC Arosa ha pers la partida ordaifer cunter Basilea cun 4:1. Il sulet gol per Arosa ed il davos da la partida ha Tim Lindemann fatg curt avant la finiziun.
Arosa è actualmain sin plaz 6 da la tabella – Cuira è sut il stritg sin il 10avel plaz.
