Suenter 4 terradas en seria ha il Club da hockey da Tavau puspè ina giada gudagnà ina partida. Ordaifer ha il HCD gudagnà cunter ils Rapperswil-Jona Lakers quai cun 3:0.
Ils gols han fatg Knak en la 28avla, Ambühl en la 53avla e Stransky en la 58avla minuta da la partida.
Ils ulteriurs gieus
- HC Ajoie – Friburg-Gottéron 1:4
- SC Berna – EV Zug 4:1
- EHC Biel-Bienna – SCL Tigers 7:3
- HC Lugano – HC Ambri-Piotta 4:1
- ZSC Lions – Lausanne HC 5:1
En la tabella maina vinavant Friburg avant Zug, ils Rapperswil Jona-Lakers èn sin plazza 3. Tavau è actualmain sin il 6avel plaz.