Siglir tar il cuntegn

Header

video
La Svizra perda per pauc cunter la Russia
Or da Beijing 2022 Clips dals 09.02.2022.
laschar ir. Durada: 2 minutas 20 Secundas.
cuntegn

Hockey Svizra perda cunter la Russia cun 0:1

Curt avant la fin han ils Svizzers manchentà ina schanza per egualisar. Uschia perda la Svizra il gieu da partenza a Peking. Tut en tun ha l'equipa però mussà ina buna prestaziun. Per part ha simplamain in zic cletg mancà. Il goli russ n'ha laschà passar nagins dals 33 sajets dals Svizzers. Ed il gol ch'els han incassà ha er chattà la via indirectamain sur la chomma da Enzo Corvi en la rait da Reto Berra.

En la fasa da gruppa frunta la naziunala svizra che vegn trenada da Patrick Fischer sco proxim sin la Tschechia (11-02) ed il Danemarc (12-02).

Ulteriura partida da la mesemna en la gruppa b

  • Tschechia vs. Danemark: 1:2

Andres Ambühl als 5avels gieus olimpics

Suenter Turin, Vancouver, Sotschi e Pyeongchang dat il chapitani dal HCD, Andres Amübhl, a Peking ses 5avel turnier olimpic. El è cun quai franc in dals pli rutinads hockeyans als gieus olimpics en la China.

La finamira saja da far meglier ch’avant quatter onns a Pyeongchang, di Ambühl. Il 2018 aveva la Svizra pers dus da trais gieus da gruppa ed è silsuenter gia crudada ora en il quartfinal cunter la Germania.

audio
Andres Ambühl avant ses 5avels gieus olimpics
ord Actualitad dals 09.02.2022.
laschar ir. Durada: 2 minutas 56 Secundas.

In punct culminant ha Andres Ambühl gia gì a quels gieus olimpics a Peking. Ensemen cun la skiunza Wendy Holdener ha l’attatgader da 38 onns dastgà purtar la bandiera svizra a la festa d’avertura.

RTR actualitad 07:00 / novitads 14:00

Artitgels legids il pli savens

Scrollar a sanestra Scrollar a dretga