Julian Parrée vegn enavos a Tavau. Per il rest da la stagiun vegn l'attatgader da 20 onns a dar per Tavau, ha il club da hockey annunzià en ina communicaziun a las medias.
Parrée, oriundamain da l'Ollanda, ha dà duas stagiuns en la Svezia, e turna a Tavau. El ha gia absolvì las stufas dals juniors a Tavau. Il potenzial sportiv da l'attatgader giuven duai vegnir promovì.
El haja questa emna cumenzà a trenar a Tavau, e duai far pass per pass sia via en l'emprima equipa. Per il schef da sport da Tavau dettia quai er dapli opziuns a Tavau durant il rest da la stagiun.
