Siglir tar il cuntegn

Header

Orlando Cathomas
Legenda: Orlando Cathomas da Domat è fan da la naziunala Svizra, ma crai che la Brasilia daventi campiun mundial. RTR, Andreas Wieland
cuntegn

Il fan rumantsch a Qatar Orlando Cathomas circumdà da fans brasilians

Orlando Cathomas da Domat ha 66 onns, è dapi dus onns en pensiun ed accumpogna dapi il 1994 la Naziunala svizra da ballape a campiunadis mundials e campiunadis d'Europa. Quest onn fa el er il viadi a Qatar.

Orlando Cathomas da Domat è in dals fans svizzers ch’ha fatg il viadi a Qatar per sustegnair al lieu la naziunala svizra. L’um pensiunà accumpogna dapi il 1994 la Svizra a tut ils gronds turniers sco campiunadis mundials u campiunadis d’Europa.

audio
Orlando Cathomas circumdà da fans brasilians
ord Actualitad dals 29.11.2022.
laschar ir. Durada: 4 minutas 28 Secundas.

Durant ch’Orlando Cathomas ha anc pudì festivar avant paucs dis in 1:0 da la Svizra encunter il Camerun hai dà pauc da rir encunter la Brasilia. Ils Svizzers han pers cun 0:1, quai en in stadion quasi mo cun fans da la Brasilia. Tuttina è il fan rumantsch da buna speranza ch’i tanscha anc per l’equipa da Murat Yakin da sa qualifitgar per l’otgavelfinal. En il discurs cun Andreas Wieland ha Orlando Cathomas er raquintà da ses temp a Doha en il Qatar nua ch’el ha durmì las emprimas notgs en in container e lura midà sin ina nav da cruschera.

audio
Orlando Cathomas in dals fans svizzers a Doha
ord Actualitad dals 17.11.2022.
laschar ir. Durada: 6 minutas 48 Secundas.

Il 1994 ha Orlando Cathomas fatg il viadi en ils Stadis Unids, en emprima lingia per visitar ils gieus da la Svizra, da lezzas uras cun Stéphane Chapuisat, Alain Sutter, Ciriaco Sforza u Georges Bregy, ma er per cumbinar il viadi cun visitar ses parents en l’America. Dapi quel onn ha il fan da ballape da Domat adina accumpagnà ils Svizzers. Il viadi al campiunadi mundial il 2006 en Germania ha Orlando Cathomas schizunt fatg cun ses velo ed ina bandiera svizra. Tut ils viadis ha el dentant er adina cumbinà cun vesair insatge dal pajais. Per discurrer cun ils indigens ha Cathomas schizunt emprendì divers linguatgs. En vista al campiunadi mundial il 2014 en la Brasilia ha el visità in curs da portugais ed en vista al campiunadi mundial il 2018 en Russia ha el emprendì russ.

Boicottar n’è stà nagina opziun

Malgrà ch’il campiunadi mundial a Qatar frunta sin gronda critica, quai per differentas raschuns, èsi stà cler davent da la bell’entschatta che Orlando Cathomas vegnia er a far il viadi a Doha. Er sch’el na saja nagin fan da la FIFA e sch’el saja er stà encunter in tal campiunadi mundial a Qatar, sco fan dals Svizzers na lessi el tuttina betg manchentar quest punct culminant, uschia Cathomas. Ma arab n'haja el questa giada betg emprendì. Ch’il campiunadi mundial saja uss durant il temp d’enviern na disturbi perencunter betg. Anzi, uss il november saja tar nus savens grisch e bletsch ed a Qatar spetgia sulegl e temperaturas da stad.

Actualitad 08:00

Artitgels legids il pli savens

Scrollar a sanestra Scrollar a dretga