Siglir tar il cuntegn

Header

video
Il gol da Casemiro ha decidì la partida
Or da FIFA WM 2022 dals 28.11.2022.
laschar ir. Durada: 49 Secundas.
cuntegn

Svizra – Brasilia 0:1 82 minutas fatg frunt a l'unda brasiliana – lura vegn Casemiro

En il segund gieu da gruppa al campiunadi mundial da ballape en il Qatar ha la naziunala svizra pers encunter la Brasilia cun 0:1. Il sulet gol ha sajettà Casemiro da Manchester United en la 83avla minuta. Il gieu è stà en il stadion 974, il sulet stadion en il Qatar che n’è betg climatisà.

video
Ils puncts culminants dal gieu Brasilia – Svizra
Or da FIFA WM 2022 dals 28.11.2022.
laschar ir. Durada: 4 minutas 43 Secundas.

L'equipa da Murat Yakin ha mussà ina prestaziun solida encunter la Brasilia, oravant tut defensiv. Enavant è percunter ì pauc, las schanzas da gol èn stadas raras. Curt avant la fin èsi lura reussì als Brasilians da mitschar tras la defensiun dals Svizzers, quai cun in'acziun sco ord il cudesch. Suenter ina grondiusa cumbinaziun sur Vinicius e Rodrygo ha Casemiro tutgà spectacular al 1:0. La Svizra n'è betg pli vegnida da reagir.

video
Granit Xhaka: «Nus avessan merità in pari»
Or da FIFA WM 2022 dals 28.11.2022.
laschar ir. Durada: 1 minuta 43 Secundas.

Durant che la Brasilia ha cuntanschì definitiv la fasa da k.o. na dastga la Svizra betg perder en il davos gieu da gruppa encunter la Serbia. Vegn il Camerun però betg da batter ils Brasilians tanscha als Svizzers er in pari encunter ils Serbs per far il pass en l'otgavelfinal.

audio
Svizra perda 0:1 cunter Brasilia
ord Actualitad dals 29.11.2022. Maletg: Keystone
laschar ir. Durada: 2 minutas 54 Secundas.

Al davos campiunadi mundial il 2018 en Russia aveva la Svizra battì la Serbia cun 2:1 entras dus gols da Granit Xhaka e Xherdan Shaqiri. Il gieu Svizra – Serbia è il venderdi saira a las 20:00 temp svizzer.

video
Murat Yakin: «A mai ha Shaqiri mancà»
Or da FIFA WM 2022 dals 28.11.2022.
laschar ir. Durada: 1 minuta 15 Secundas.

Public viewing a Cuira

Radund 200 fans èn sa scuntrads en la Postremise per sustegnair la squadra naziunala da ballape. Cun in raclette e biera speravan ils fans sin ina partida captivanta.

video
Il campiunadi mundial da ballape l'enviern
Or da Telesguard dals 29.11.2022.
laschar ir. Durada: 3 minutas 41 Secundas.

Ils organisaturs èn stads fitg cuntents cun la saira. Blers fans, bleras emoziuns e buna luna en il public viewing a Cuira.

audio
Visita al public viewing en la Postremise
ord Actualitad dals 29.11.2022. Maletg: RTR, Anna Selina Quinter
laschar ir. Durada: 6 minutas 2 Secundas.

La Seleção senza Neymar – la prevista

Svizra – Brasilia, quest duel hai gia dà al davos campiunadi mundial avant quatter onns en Russia. Lura avevan ils Svizzers giugà pari cun 1:1. La Brasilia vala sco il grond favurit, er sin il titel da campiun mundial. I fiss il 6avel titel per la Seleção. Encunter la Svizra ha la Seleção perencunter stuì vegnir a frida senza lur superstar Neymar ch’è sa blessà vi d'in pe.

Buna bilantscha cunter la Brasilia

Questa giada hani pers, ma la Svizra na sto betg sa zuppar da la Brasilia. En ils nov duels avant oz èsi reussì als Svizzers da gudagnar duas giadas e da giugar quatter giadas pari. Per in ulteriur success n'hai dentant betg tanschì. Per in giugader èsi plinavant stà in gieu tut spezial, per Xherdan Shaqiri che po dar ses 11avel gieu cun la Svizra ad in campiunadi mundial, quai munta in record per in giugadur svizzer.

audio
Prevista dal gieu tranter la Svizra e Brasilia
ord Novitads dals 28.11.2022.
laschar ir. Durada: 2 minutas 40 Secundas.

Per ils Brasilians è stà cler tgi che gudogna

La Brasilia ha sco la Svizra lantschà a moda optimala il campiunadi mundial da ballape en il Qatar. Ed avant il duel cun ils Svizzers èn ils fans brasilians er da buna speranza ch’i tanschia da batter l’equipa da Murat Yakin.

audio
Ils fans da la Brasilia èn persvadids ch'els gudognan cunter la Svizra
ord Actualitad dals 27.11.2022.
laschar ir. Durada: 2 minutas 2 Secundas.

RTR actualitad 17:00+

Artitgels legids il pli savens

Scrollar a sanestra Scrollar a dretga