Belinda Bencic na po betg defender ses titel al turnier da WTA-500 a Charleston en ils Stadis Unids. La Svizra ha pers il final cunter Ons Jabeur da la Tunesia en dus sets cun 6:7 e 4:6. L’onn passà aveva la campiunessa olimpica anc triumfà cunter gist la medema adversaria al medem lieu.
Be paucas minutas avant ch’il final ha cumenzà, ha Bencic anc stuì giugar a fin il mezfinal cunter la matadora locala Jessica Pegula. Quel ha Bencic gudagnà en dus sets cun 7:5 e 7:6. La partida era vegnida interrutta il di avant pervi da plievgia.
