Tar l'emprim dals dus slaloms gigants da Kranjska Gora – era Marco Odermatt suenter l'emprim percurs circa ina mesa secunda avant ses concurrents. En il segund percurs era il Svizzer lura anc lev enavos cunter Alexis Pinturault, tar il davos temp intermediar. La finala ha Odermatt tuttina gudagnà 23 tschientavels avant il Franzos.
- 1. Marco Odermatt (SUI) 2:16.65 minutas
- 2. Alexis Pinturault (FRA) +0.23 secundas
- 3. Henrik Kristoffersen (NOR) +0.37
Cunquai èsi definitiv che Marco Odermatt gudogna la segunda giada en fila la culla gronda. Per quest success avess gia tanschì da far en quest slalom gigant in plaz 16.
En il cumbat per la culla pitschna dal slalom gigant ha il Svizzer uschia augmentà ses avantatg sin il Norvegiais Henrik Kristoffersen. Avant las duas davosas cursas è quel 140 puncts davos il campiun mundial.
Bel facit svizzer
Ina buna prestaziun han era mussà Gino Caviezel e Loïc Meillard a Kranjska Gora. Ils dus Svizzers èn sa meglierads levet en il segund percurs, e vegnan sin ils plazs 6 e 7.
Ils ulteriurs Svizzers:
- 22. Semyel Bissig +3.43 secundas
- 27. Justin Murisier +4.09
Crudà ora en il segund percurs è il Grischun Daniele Sette, e gia en l'emprim percurs cun Thomas Tumler e Livio Simonet dus ulteriurs Grischuns.
