Siglir tar il cuntegn

Header

Arenas Resort Victoria-Lauberhorn
Legenda: L'hotel Arenas Resort Victoria-Lauberhorn a Wengen. mad
cuntegn

Lauberhorn 2022 Niculin Manzoni: «Jau ma sent bain a Wengen»

Suenter in onn interrupziun pervia da la pandemia da corona ha Wengen puspè pudì beneventar quest onn ils megliers skiunzs dal mund, quai gist per quatter cursas. Per Wengen e l’entira regiun èn las cursas da la cuppa mundiala dal Lauberhorn da grond’impurtanza.

audio
Discurs cun Niculin Manzoni, directur dal hotel Arenas Resort Victoria-Lauberhorn
ord Actualitad dals 15.01.2022.
laschar ir. Durada: 5 minutas 31 Secundas.

Durant l’emna da las cursas dal Lauberhorn èn ils hotels a Wengen occupads fin il davos letg, la gronda part da las equipas. Ils Americans prendan per exempel dapi onns dimora en l’Arenas Resort Victoria-Lauberhorn, in dals gronds hotels gist a la staziun da Wengen.

Arenas Resort Victoria Lauberhorn sut batgetta rumantscha

Dapi dus onns è Niculin Manzoni directur da quest hotel. El ha 28 onns ed è oriund da Samedan en l’Engiadin’Ota. Arrivà a Wengen è Manzoni plitost tras ina casualitad. Durant sia scolaziun a Lucerna ha el frequentà a Wengen ses praticum. Silsuenter è el gist restà en la Part Sura Bernaisa, l’emprim sco schef da la recepziun, oz sco directur.

Niculin Manzoni è er led che las cursas da skis han lieu cun public. Ma tut quai haja er procurà per sforzs supplementars, per evitar ch’il coronavirus sa derasi anc pli fitg – gist tar ils atlets uschè curt avant ils gieus olimpics a Peking. Perquai stoppian tut ils collavuraturs e las collavuraturas da l'hotel era adina puspè far tests da corona, e durant la saira na dettia nagin buffet pli. Quai be duas da las mesiras che Manzoni ha stuì prender durant quels dis da las cursas dal Lauberhorn.

RTR actualitad 08:00

Artitgels legids il pli savens

Scrollar a sanestra Scrollar a dretga