Siglir tar il cuntegn

Header

Il taus «Lenzi» sortescha da l'ov dasper in biatlet.
Legenda: Il taus «Lenzi» sortescha da l'ov. IBU Open European Championships Biathlon Lenzerheide
cuntegn

«Lenzi» L'Arena da biatlon a Lai preschenta ses mascottin

In cot selvadi daventa mascottin da l'Arena da biatlon a Lai. Ils proxims dus onns vegnan ils fans dal biatlon a vesair «Lenzi» tar ils eveniments gronds ch'èn planisads. Gia dals 25 fin ils 29 da schaner spetga l'emprim eveniment – il campiunadi europeic da biatlon. Il december 2023 datti lura las emprimas cursas da la cuppa mundiala ed il 2025 stat sin il program il punct culminant, il campiunadi mundial da biatlon.

audio
Cot selvadi sco mascottin per l'Arena da biatlon
ord Actualitad dals 01.12.2022. Maletg: IBU Open European Championships Biathlon Lenzerheide
laschar ir. Durada: 2 minutas 20 Secundas.
Il messadi ch'il mascottin porta è ch'ins duai prender resguard in sin l'auter e da betg viver mintgin en ses agen mund.
Autur: Jürg Capol mainafatschenta dal campiunadi mundial da biatlon a Lai

Tschernì il cot selvadi han ins tranter auter er perquai che precis quest animal ha chaschunà grondas discussiuns avant in onn e mez. Lura han ins vulì engrondir la via per skis cun rodas atras ils spazi da viver dal cot selvadi. Il mascottin «Lenzi» simboliseschia il cumpromiss tranter occurrenzas da sport grondas e la protecziun da la natira, ha ditg il mainafatschenta dal campiunadi mundial da biatlon a Lai Jürg Capol envers il schurnal regiunal da SRF. Il mascottin duai far attent sin la natira e persistenza.

illsutraziun dad in cot selvadi che va biatlon
Legenda: Il mascottin Lenzi. IBU Open European Championships Biathlon Lenzerheide

RTR novitads 14:00

Artitgels legids il pli savens

Scrollar a sanestra Scrollar a dretga