Siglir tar il cuntegn

Header

video
Biatletas e biatlets grischuns sa legran sin cursas da chasa
Or da Telesguard dals 02.11.2022.
laschar ir. Durada: 3 minutas 29 Secundas.
cuntegn

Biatlon Arena a Lantsch pli e pli fitg en il focus

Il schaner vegn cumbattì en l’Arena da biatlon a Lantsch per medaglias al campiunadi d’Europa, il december 2023 spetgan las emprimas cursas da la cuppa mundiala ed il 2025 stat sin il program il punct culminant, il campiunadi mundial da biatlon.

audio
Il countdown per il campiunadi mundial da biatlon 2025 ha cumenzà
ord Actualitad dals 03.11.2022.
laschar ir. Durada: 4 minutas 4 Secundas.

Actualmain èsi anc ruassaivel en l’arena da biatlon a Lantsch. Passlunghistas e passlunghists èn là vid trenar, sa preparar e lavurar vi dals davos detagls en vista a la nova stagiun che cumenza la fin november a Kontiolahti en la Finlanda. I spetga in’emprima stagiun senza ils dus leaders dals davos 10, 15 onns. Selina Gasparin che vala sco la pioniera dal biatlon en Svizra ed il Vallesan Benjamin Weger ch’ha tratg il car dals umens sur onns, han terminà la carriera la primavaira.

audio
Emprima stagiun senza la sora gronda Selina Gasparin
ord Actualitad dals 15.11.2022.
laschar ir. Durada: 3 minutas 12 Secundas.

L'equipa giuvna da biatlon cun tranter auter las duas soras Elisa ed Aita Gasparin, Irene Cadurisch da Malögia, Lea Meier da Tavau, Serafin Wiestner da Trin, Laurin Fravi da Lantsch u Nico Salutt da Zernez po dentant sa legrar sin l’avegnir. I spetgan numnadamain pliras concurrenzas da grond’impurtanza a chasa, en l’Arena da biatlon a Lantsch. Il focus è sa chapescha sin il campiunadi mundial 2025, il punct culminant. Il comité d’organisaziun da quest campiunadi mundial cun il CEO, l’anteriur passlungist Jürg Capol da Cuira, spetga durant ils diesch dis da cursa il favrer 2025 a Lai radund 150’000 fans.

RTR actualitad 08:00

Artitgels legids il pli savens

Scrollar a sanestra Scrollar a dretga