Siglir tar il cuntegn

Header

video
Passlunghists grischuns avant l'emprima stagiun senza Dario Cologna
Or da Telesguard dals 01.11.2022.
laschar ir. Durada: 3 minutas 6 Secundas.
cuntegn

Passlung I spetga in'emprima stagiun senza Cologna

Sin ils passlunghists svizzers spetga ina stagiun cun plirs puncts culminants. Mez december èn gia las cursas da chasa a Tavau Nordic. La fin da l'onn va liber il Tour de Ski en la Val Müstair e la fin favrer vegn cumbattì per medaglias al campiunadi mundial da ski nordic a Planica en la Slovenia.

audio
Emprima stagiun senza Dario Cologna
ord Actualitad dals 15.11.2022.
laschar ir. Durada: 3 minutas 27 Secundas.

Il plaschair sin la nova stagiun 2022/23 è grond, quai han ils atlets svizzers laschà sentir a l’inscunter da medias a Tavau, onn per onn il sajet da partenza en la nova stagiun. I spetga in’emprima stagiun senza Dario Cologna ch’ha terminà la primavaira sia lunga carriera. L’anteriur leader dal cader svizzer manca ed uss ston auters trair il char sco per exempel Jonas Baumann oriund da Lon, cun 32 onns il pli vegl ed il pli rutinà en il cader svizzer.

audio
Intervista cun Jonas Baumann en vista a la nova stagiun
ord Actualitad dals 15.11.2022.
laschar ir. Durada: 3 minutas 57 Secundas.

Er ils atlets giuvens na pon betg pli sa zuppar davos Dario Cologna. Quai po dentant er esser ina nova schanza da sa mussar en la cuppa mundiala.

audio
Guri Knotten è nova directura dal ski nordic tar Swiss Ski
ord Actualitad dals 15.11.2022.
laschar ir. Durada: 3 minutas 36 Secundas.

Midadas hai er dà dasper la loipa. Tranter auter è Guri Knotten la nova directura da las disciplinas nordicas tar Swiss Ski, vul dir la scheffa dal passlung, il biatlon, il siglir cun skis e la cumbinaziun nordica. L'anteriura passlungista norvegiaisa ha surpiglià quest post da Hippolyt Kempf.

Telesguard 17:40

Artitgels legids il pli savens

Scrollar a sanestra Scrollar a dretga