Siglir tar il cuntegn

Header

cuntegn

Liga naziunala HCD batta Langnau cun 6:3

Il Club da Hockey da Tavau gudogna l'ultima partida avant la pausa da la squadra naziunala cun 6:3 cunter Langnau. La meglra entschatta è dentant gartegiada a Langnau. Suenter tschintg minutas era l’equipa bernaisa cun 2:0 en avantatg.

La partenza en il gieu tranter il Club da hockey da Tavau e Langnau è stada sco in nausch siemi. Gia suenter 35 secundas ha Marc Michaelis marcà l’emprim gol per Langnau. Ed igl è vegni anc mender per il HCD. Suenter tschintg minutas manava l’equipa bernaisa gia cun 2:0. Lura dentant ha il HCD mussà ina reacziun. Anc en l’emprim terz è quai gartegià al HCD dad egualisar la partida ed alura dad ir en avantatg.

Betg pli dà or da maun l’avantatg

Suenter ch'il HCD è stà bun da reagir sin il retard encunter Langnau n'ha l’equipa grischuna betg pli dà or da maun quest avantatg. En il terz d’amez ed er en l’ultim terz ha Tavau fatg gols e betg pli laschà turnar Langnau en la partida. La victoria cunter Langnau è stada la davosa avant la pausa da l’equipa naziunala. 10 dis na dat il HCD uss betg pli hockey. Uschia ch'ins po guarir in zichel ils mals gronds e pitschens per esser pront alura cura ch'i va en la fasa finala da la qualificaziun.

Las ulteriuras partidas da la 46avla runda

  • Ajoie – Losanna 2:1 suenter prolungaziun
  • Berna – Bienna 4:0
  • Rapperswil Jona Lakers – Zug 3:0
  • Lugano – Kloten 5:3

Tabella hockey liga naziunala

Avrir la box Serrar la box

Link tar Federaziun da hockey

RTR novitads 21:00

Artitgels legids il pli savens