Siglir tar il cuntegn

Header

cuntegn

Liga naziunala HCD perda cunter Bienna cun 2:3

Suenter duas victorias la fin d’emna, perda il Club da hockey da Tavau il gieu encunter il EHC Bienna. Ditg era la partida dentant egualisada. Pir las davosas sis minutas ha il HCD anc dà or da maun il gieu.

Giugà bain, dentant tuttina pers – 2:3. Quai è il facit dal gieu dal Club da hockey da Tavau encunter l'EHC Bienna. Ditg era la partida dentant egualisada. Il HCD era ì en avantatg cunter Bienna, lura ha Bienna pudì egualisar il gieu. Lura è il HCD puspè ì en avantatg e Bienna ha puspè pudì egualisar il gieu. Il davos ha Bienna dentant profità dad in sbagl en la defensiun dal Club da hockey da Tavau e Toni Rajala ha nizzegià quest sbagl per il gol decisiv. Il HCD ha anc empruvà tut dad egualisar il gieu. Quai n'è dentant betg pli gartegià als grischuns.

Suenter ils adversaris directs per ina plazza da playoff spetga Bienna

La stagiun da l'EHC Bienna è fin da qua stada ina stagiun da success. Davent da l’entschatta era l’equipa bernaisa sin las emprimas plazzas da la tabella. Bienna è actualmain sin plazza dus. L’equipa era dentant er gia pli ferma ch'actualmain. Suenter gist in per sconfittas ina suenter l’autra, ha Bienna dentant era pudì gudagnar la fin d’emna. Ils adversaris eran dentant main ferms che quels dal HCD. Vis sur tut la stagiun n'è la differenza gnanc uschè gronda. La liga è fitg gulivada. Tant pli impurtant èsi da batter era ina giada ina equipa da la testa da la tabella – ils puncts ch'il HCD po gudagnar uss, dovr’ins per restar sin ina plazza da playoff.

audio
Per tadlar: curt e cumpact
ord RTR Audio dals 01.02.2023.
laschar ir. Durada: 59 Secundas.

RTR novitads 22:00

Artitgels legids il pli savens