Siglir tar il cuntegn

Header

cuntegn

Liga naziunala HCD gudogna danovamain encunter Rapperswil

Era la tschintgavla partida encunter ils Rapperswil – Jona Lakers decida il HCD per sai. L’equipa grischuna gudogna cun 7:4.

Ditg ha il club da hockey da Tavau stuì currer suenter encunter Rapperswil ad in retard. Fin en la mesadad da la partida era il HCD adina cun almain in gol en retard. Lura dentant ha Marc Wieser pudì trair al club da hockey da Tavau cun in gol en avantatg. E dapi quel gol avev’ins il sentiment che il HCD fa tut per la victoria.

Spectacul da gols
Era il tschintgavel duel tranter Tavau e Rapperswil era in spectacul da gols. Betg main che 11 gols han las duos equipas fatg durant las sessanta minutas da la partida. Quai èn tants gols che durant las emprimas duos partidas nua che il HCD e Rapperswil avevan fatg ina giada era indesch ed ina giada perfin dudesch gols. Era sche ils trenaders han giu per part difficultads dad animar a lur equipas da far er la lavur defensiva è quai grategià al HCD meglier che da l’autra vart a Rapperswil. Al mument che il HCD è i l’emprima giada en avantatg en questa partida avenv’ins il sentiment che la resistenza da Rapperswil fiss a la fin.

Ils ulteriurs resultads da questa saira:

Berna - ZSC Lions 0:3

Bienna - Genevra Servette 2:3 suenter sajettar penaltis

SCL Tigers – Zug 4:9

RTR novitads

Artitgels legids il pli savens

Scrollar a sanestra Scrollar a dretga