L’emprim terz dal gieu tranter il HCD ed Ajoie era plitost ina partida da preparaziun, enstagl dad in gieu da campiunadi. A l'entschatta dal segund terz è quai dentant sa midà. Il HCD ha fatg squitsch e dus gols aifer da gnanc duas minutas. Quai era la basa per il success encunter Ajoie. Enstagl da far vinavant squitsch ha il club da Tavau dentant incassà dus chastis. E quai gist chastis da tschintg minutas cun exclusiun. L’emprim Valentin Nussbaumer e suenter er Joakim Nordström han stuì ir a far la duscha avant la fin dal gieu.
Maximum da sis puncts
Gia la victoria encunter Rapperswil-Jona ha procurà al Club da hockey da Tavau ina buna situaziun en la tabella. L’equipa grischuna vuleva perquai far medem er encunter la laterna cotschna, il HC Ajoie. En l’emprim terz n'è quai anc betg gartegià. Suenter dentant tant pli bain. Il Club da Hockey da Tavau resta suenter la victoria cunter Ajoie sin plazza trais da la tabella e vegn en vista als playoff adina meglier en furma.
Las ulteriuras partidas
Bienna – Ambri Piotta 1:4
Fribourg Gottéron – Losanna 2:3
Servette – SC Berna 5:2
Lugano – SCL Tigers 2:3 suenter prolungaziun
ZSC Lions – Rapperswil-Jona Lakers 3:4
EV Zug – EHC Kloten 6:4
