Il SC Berna ha cumenzà cun schlantsch la partida. Or dals emprims nov culps sin il gol dal HCD resultan tras Thierry Bader (3.) e Dominik Kahun (14.) ils emprims dus gols. Tavau n'ha en questa fasa betg propi chattà il recept cunter ils Bernais.
Ils megliers muments ha il HCD gì en il segund terz, suenter ch'il goli Gilles Senn ha fatg plaz a Sandro Aeschlimann. L'emprim ha Axel Simic marcà in gol per Tavau – e silsuenter han Thomas Wellinger e Raphael Prassl gì schanzas per egualisar. En il davos terz ha Thomas Thiry lura segirà la victoria per il SC Berna, cun il 3:1.
Uschia perda il HCD per l'emprima giada questa stagiun in duel cunter Berna. Las duas emprimas partidas aveva Tavau gudagnà a chasa cun 3:1, e lura ordaifer cun 6:3.
Ils ulteriurs resultats da la saira:
- Bienna – Friburg 1:3
- Lugano – SCL Tigers 4:1
- Ajoie – Ambri 1:4
- Lakers – Zug 5:2
Per ils Lakers è quai la tschintgavla victoria en las davosas set partidas. E damaun vegnan els en il stadion si Tavau – la partida cumenza in quart avant las 4.
