Suenter la terrada da 1:5 a chasa, la dumengia suentermezdi cunter ils ZSC Lions – na chatta il HCD betg enavos sin la via da success il glindesdi saira. A Lugano datti ina terrada da 4:6. Per ils Bianconeri è quai la 5avla victoria da campiunadi en fila.
Suenter l'emprim terz manava Tavau anc cun 3:1 cunter Lugano – cun quest score avevan ils Grischuns mintgamai gudagnà ils emprims dus duels da la stagiun. En il segund terz ha Lugano pudì marcar trais gols, al stan intermediar da 4:3 suenter 40 minutas. Ed ils Tessinais han cuntinuà da sajettar gols en il davos terz, uschia ch'i steva suenter 52 minutas 6:3. Per il HCD hai lura mo pli tanschì da far cosmetica dal resultat, cura che Axel Simic ha sajettà il quart gol per Tavau – al resultat final da 4:6 ord vista grischuna.
Il club da hockey da Tavau resta uschia sin rang 4 da la tabella, cun da nov 10 puncts retard sin il leader Friburg. La proxima partida spetga la mesemna, a chasa benventa il HCD lura il EV Zug.
Ils ulteriurs resultats:
- Friburg – SCL Tigers 5:1
- Lakers – Losanna 7:0
- ZSC Lions – Ajoie 8:2
