Il Club da Hockey da Tavau ha pers ier saira ordaifer cunter ils Rapperswil-Jona Lakers cun 2:3 suenter sajettar penaltis. La partida è stada equilibrada: Duas giadas èn ils Songagliais ids en avantatg – duas giadas han ils Grischuns pudì egualisar grazia a gols da Bristedt e Stransky. En la lutga da penaltis ha lura il Tschec Roman Cervenka fatg il gol decisiv en l’indeschavla emprova.
Questa saira beneventa il HCD lura a chasa il SC Berna.
Ils ulteriurs resultats da la 11avla runda:
- Berna gudogna cunter Genevra cun 6:5 suenter prolungaziun.
- Kloten gudogna cunter ils SCL Tigers cun 3:2.
- Losanna gudogna cunter Ajoie cun 6:2.
- Lugano perda cunter Friburg cun 2:4.
