La squadra da Tavau ha gia baud dà tras la tariffa – cun dus gols en las emprimas trais minutas. Gartegià han Michael Fora e Matej Stransky. Anc en l'emprim terz ha Enzo Corvi ha sajettà il 0:3. Il segund terz ha il HCD cuntinuà cun il medem schlantsch – Marc Wieser ed anc ina giada Matej Stransky fan ils gols al 0:5 intermediar. Bain marca Kloten en la 30avla minuta anc il 1:5. Quai è lura dentant gia stà tut, e cunquai era il resultat final.
Damaun dumengia pon ils giugaders da Tavau uschia ir cun in bun sentiment – en la partida cunter ils ZSC Lions en l'agen stadion. La partida cumenza a las 15:45.
Las ulteriuras partidas
- Ambri – Lakers 4:2
- Bienna – Lugano 3:0
- SCL Tigers – Gottéron 4:3
- ZSC Lions – Berna 2:3 suenter prolungaziun