Siglir tar il cuntegn

Header

cuntegn

Lusitanos e CB Schlarigna Buna emprima mesadad dal campiunadi

Las equipas da ballape da l’Engiadin'Ota, il CB Schlarigna ed ils Lusitanos de Samedan èn cuntentas cun la runda d’atun. Uss spetga la lunga pausa d’enviern.

Per las equipas da ballape engiadinaisas è l’emprima mesadad dal campiunadi a fin. En la quarta liga è il CB Schlarigna cuntent. L’equipa da l’Engiadina'Ota ha duvrà in mument per vegnir en il campiunadi. Suenter las emprimas trais partidas senza victoria ha l’equipa dentant fitgà pe en la quarta liga e pudì gudagnar in per giadas. L’equipa ch'ha avant la pandemia da corona adina er cumbattì per la promoziun en terza liga e actualmain sin plazza sis da la tabella. Sin il leader Domat mancan tschintg puncts.

Trenament er durant la pausa d’enviern

I saja impurtant da betg chalar cun il trenament era durant ils mais d’enviern, di il schef da sport e co-trenader dal CB Schlarigna Amos Sciuchetti. Ins na fetschia betg uschè bler sco durant ils mais da campiunadi, tuttina emprov’ins da far insatge per restar en buna furma.

audio
Amos Sciuchetti e Fabio Martins fan bilantscha
ord Actualitad dals 26.10.2021.
laschar ir. Durada: 3 minutas 11 Secundas.

Lusitanos sa sentan bain en tschintgavla liga

Da primavaira, suenter in campiunadi reduci pervia da la pandemia da corona han ils Lusitanos de Samedan puspè fatg il pass enavos en tschintgavla liga. L’equipa cun giugaders d’origin portugais ha pudì dar suenter la promoziun en quarta liga la primavaira 2019 be pervia da corona en questa liga. La stagiun 2019/2020 n’hai betg dà ina equipa ch'è vegnida relegada. E durant la davosa stagiun ha giu lieu mo la runda d’atun cun anc ina partida da primavaira. Suenter quai campiunadi eri cler ch'ils Lusitanos van aval. Uss en tschintgavla liga po l’equipa puspè cumbatter per la testa. Ils Lusitanos de Samedan van sco segunds da la tabella en la pausa d’enviern cun sis puncts retard sin il leader Tavau.

RTR actualitad 17:00

Artitgels legids il pli savens