La Festa federala da lutga a Zug cumenza sonda a bun’ura uschia, sco l’ultima festa federala era ida a fin avant trais onns ad Estavayer: Numnadamain cun il duel tranter Armon Orlik ed il retg da lutga Matthias Glarner. Questa pitschna revantscha è sulet ina da diversas lutgas attractivas, ch'il manader tecnic federal Samuel Feller ha planisà per l'emprima lutga.
Per l'emprima giada insumma fruntan Christian Stucki e Pirmin Reichmuth in sin l'auter. Autras lutgas fitg brisantas èn Samuel Giger cunter Nick Alpiger, e Joel Wicki cunter Matthias Aeschbacher.
La lutga cumenza sonda a las 8.
RR novitads 23:00
