Daniel Yule gudogna per la terza giada suenter il 2018 ed il 2020 il slalom da notg a Madonna di Campiglio. Tar la tschintgavla victoria da la cuppa mundiala dal Vallesan da 29 onns, arrivan er anc il Norvegiais Henrik Kristoffersen ed il Tudestg Linus Strasser sin il podest.
Il Norvegiais Lucas Braathen che manava suenter l'emprim percurs, ha la finala stuì sa cuntentar cun rang 4. Loïc Meillard na ha betg pudì profitar da sia buna prestaziun en l'emprim percurs (rang 2), ed è crudà ora.
- Daniel Yule (SUI) 1:37,67
- Henrik Kristoffersen (NOR) +0,08 secundas
- Linus Strasser (GER) +0,18 secundas
Ils Svizzers en ils top 30
- 11. Luca Aerni +1,28 secundas
- 21. Roman Zenhäusern +2,06
- 26. Noel von Grünigen +3,92
- Crudads ora en il segund percurs: Loïc Meillard, Marc Rochat
- Betg sa qualifitgà per il segund percurs: Sandro Simonet (41.)
- Crudads ora en l'emprim percurs: Tanguy Nef, Joel Lütolf