Legenda:
Sina Frei e Jolanda Neff gist a l'arrivada suenter la cursa ad aur ed argient a Tokio.
Keystone
Jolanda Neff e Sina Frei desistan da far part al campiunadi europeic dals mountainbikes che han lieu l'autra emna a Novi Sad. La victura olimpica dal Son Gagl e la segunda dal chantun Turitg vulan sa concentrar sin il campiunadi mundial che ha lieu l'ultima fin d'emna d'avust en la Val di Sole.
Linda Indergand ch'è vegnida terza als gieus olimpics, fa part dal campiunadi europeic. Ensemen cun Ramona Forchini, Steffi Häberlin, Alessandra Keller, Nicole Koller ed Andrea Waldis furma la Uranaisa in sextet.
