A la cuppa mundiala da mountainbike ad Albstadt en la Germania, ha Nino Schurter fatg il terz plaz. Pli sperts ch'il Grischun en la cursa da «Short-Track», èn be stads Samuel Gaze da la Nova Zelanda, ed il franzos Jordan Sarrou.
Sper Schurter, èn quatter ulteriurs Svizzers vegnids sut ils megliers 12: Filippo Colombo è vegnì 7avel, Thomas Litscher 10avel, Mathias Flückiger 11avel, e Vital Albin 12avel.
Il tschancun final dals Svizzers
Er las Svizras sut ils top 10
Tar las dunnas ha gudagnà la cursa da «Short-Track» l'Australiana Rebecca McConnell. Sco meglras Svizras èn Alessandra Keller vegnida quarta e Jolanda Neff 5avla.
