Siglir tar il cuntegn

Header

Filippo Colombo
Legenda: Il Tessinais Filippo Colombo triumfescha avant ses fans da chasa. mad
cuntegn

MTB – Bike Revolution Vital Albin vegn 6avel a Riviera

Il mountainbiker rumantsch Vital Albin ha cumenzà bain la nova stagiun. El è vegnì 6avel en l’emprima cursa da la seria da cursas «Bike Revolution» a Riviera en il Tessin.

Vital Albin ha pers 2:31 minuta sin il victur, il mattadur local Filippo Colombo. Il Tessinais ha gudagnà en sia patria avant il Franzos Titouan Carod. Terz è vegnì Mathias Flückiger, l’actual numer 1 dal mund e victur da la cuppa mundiala generala 2021.

Ina fitg buna prestaziun ha er Janis Baumann dad Igis mussà. Il giuven talent da 19 onns ha pers exact quatter minutas e terminà la cursa sin il 9avel plaz. Ursin Spescha da Sevgein ha pers bun nov minutas ed è vegnì 23avel.

Linda Indergand sin il podest

Tar las dunnas ha triumfà la gronda favurita, la Franzosa Loana Lecomte avant l’Ollandaisa Anne Terpstra e la Svizra Linda Indergand. Sin plazza quatter fin sis èn classadas las Svizras Alessandra Keller, Sina Frei e Nicole Koller.

Nova seria da cursas

«Bike Revolution» è ina seria da cursas ch’è vegnida lantschada quest onn da Nino Schurter e l’anteriur profi Ralph Näf. En quest emprim onn stattan sin il program trais cursas. La proxima è dals 22 fin ils 24 d’avrigl a Cuira – in City Event. Nino Schurter sez n’è betg stà a la partenza en il Tessin. El è sa participà la davos’emna al Cape Epic en l’Africa dal Sid, quai ensemen cun ses collega d’equipa Lars Forster.

Novitads 22:00

Artitgels legids il pli savens

Scrollar a sanestra Scrollar a dretga