Siglir tar il cuntegn

Header

Camille Balanche
Legenda: Sut Alice Kühne è Camille Balanche daventada il 2020 campiunessa mundiala. Ed uss è ella victura dal classament general. Keystone
cuntegn

MTB Gravity Alice Kühne va – Carina Cappellari vegn

Suenter bun quatter onns ha Alice Kühne da Scuol surdà a Carina Cappellari il post da trenadra naziunala dals downhillers svizzers.

audio
Alice Kühne da Scuol ha chalà sco trenadra naziunala da downhill
ord Actualitad dals 03.09.2022.
laschar ir. Durada: 4 minutas 5 Secundas.

L’atun 2018 aveva Alice Kühne surpiglià il post sco trenadra naziunala da downhill da Lars Peyer. Al campiunadi mundial da la fin d'emna passada a Les Gets en Frantscha, è la Grischuna stada per la davosa giada en questa funcziun. En l’avegnir vul Kühne metter ses focus anc dapli sin la psicologia. En questa funcziun resta ella er fidaivla a Swiss Cycling, e po uschia er lavurar en l’avegnir fitg stretg cun atletas ed atlets. Quai dentant betg sulet cun atlets da downhill, mabain tranter auter er cun atlets da cross-country.

Manà Balanche al titel da campiunessa mundiala

Durant ils bun quatter onns sco trenadra naziunala ha Alice Kühne principalmain pudì festivar gronds success cun Camille Balanche dal chantun Neuchâtel. Il 2020 è Balanche daventada a Leogang en l’Austria campiunessa mundiala. Quai saja stà il mument il pli emoziunal, manegia Alice Kühne.

Carina Cappellari
Legenda: Carina Cappellari – trenadra naziunala MTB Gravity Keystone

Alice Kühne ha surdà las hottas a Carina Cappellari, oriunda da Walenstadt. L’anteriura atleta è tranter auter daventada trais giadas en seria campiunessa svizra da downhill (2017 fin 2019). Il post da Cappellari ch’ha 30 onns sa numna da nov trenadra naziunala MTB Gravity. Dasper la disciplina downhill è Carina Cappellari er responsabla per las disciplinas enduro e pumptrack.

RTR actualitad 17:00

Artitgels legids il pli savens

Scrollar a sanestra Scrollar a dretga